Naila na ang pagkatawo sa lalaking nakaplagang patay sa usa ka humayan sa Sitio Sto. Niño, Barangay Igpit, Digos City, human sa kapin duha ka bulan nga panawagan sa publiko sukad niadtong Mayo 27, 2026. Matud pa ni Hannah Lei Padilla Labja, manager sa Padilla-Labja Memorial Chapel sa Barangay Aplaya, ang biktima mao si Rodulfo Bacus Eminase, 81 anyos, residente sa Barangay Tres de Mayo, Digos City.
Wala nila gilubong ang wala mailhing lalaki bisan sa kadugayon sa pagpabilin niini sa ilang kapilya tungod kay naglaom silang adunay pamilya nga moangkon kaniya. Pinaagi sa pagpakaylap sa impormasyon sa social media, nakaabot ang panawagan sa pamilya sa biktima nga miangkon kaniya.
Wala’y nakitang timailhan sa foul play sa imbestigasyon, samtang ang eksaktong hinungdan sa kamatayon padayon pang gihulat pinaagi sa resulta sa postmortem examination.
Dugang pa niya, tungod sa kapin duha ka bulan nga walay miangkon sa biktima, nangayo sila og tambag sa Lingap bahin sa hustong proseso ug sa angay buhaton sa maong sitwasyon. Pinaagi sa padayon nga pagpakaylap sa impormasyon sa social media, nakaabot ang panawagan sa pamilya sa biktima nga miangkon kaniya.
Nagpasalamat ang Padilla-Labja Memorial Chapel ug ang mga otoridad sa tanang mitabang sa pagpaambit sa impormasyon, samtang nag-awhag sila sa publiko nga magpadayon sa paghatag og kooperasyon sa susamang mga kaso aron mas dali nga maila ang mga wala mailhing mga indibidwal ug mahibalik sila sa ilang mga pamilya.
