Gipalapdan pa sa U.S. State Department ang pagsusi sa social media accounts sa mga foreign journalists nga nag-aplay og visa aron makatrabaho sa US. Ang lakang kabahin gipalapdan nga polisiya sa administrasyon ni U.S. President Donald Trump nga gisugdan sa iyang ikaduhang termino niadtong Enero 2025.
Ubos sa bag-ong lakang, kinahanglan himuong public sa mga aplikante ang ilang social media accounts aron masusi sa mga opisyal sa U.S, diin apil sa screening ang mga aplikante sa work visas gikan sa Canada ug Mexico.
Bisan wala gikumpirma sa U.S. State Department ang sulod sa internal memo, ilang giingon nga ang online presence vetting kabahin sa pagsiguro nga ang mga aplikante kwalipikado ubos sa balaod sa Amerika.
Wala pay gitakda nga adlaw kon kanus-a ipatuman ang bag-ong polisiya, apan nagpahayag na og kabalaka ang pipila ka civil liberties groups nga basin makaapekto kini sa kagawasan sa pagpanibya o freedom of speech.
Photo Courtesy: US NEWS
