Arestado ang tulo ka indibidwal, lakip ang usa ka SK Kagawad, usa ka kanhing barangay kapitan, ug usa ka sundalo nga giingong Absent Without Official Leave (AWOL), ang nasikop sa mga operatiba sa Philippine Drug Enforcement Agency (PDEA) didto sa lungsod sa Prosperidad, Agusan del Sur kagahapong adlawa, Agosto 4, 2026.
Sumala sa inisyal nga impormasyon gikan sa mga otoridad, ang maong mga suspetsado nadakpan tungod sa giingong pagkalambigit sa pagpayuhot ug paggamit sa ilegal nga droga sa maong dapit.
Sa pagkakaron walay pa nagpagawas og dugang detalye ang kapulisan ug padayon pa ang gihimong lawom nga imbestigasyon sa mga operatiba sa PDEA aron matino ang kinatibuk-ang kahimtang sa maong kaso ug alang sa pag-andam sa mga posibleng kaso nga ipasaka batok sa mga dinakpan.
photo courtesy: JhongBoston
