Nasikop sa mga kapulisan sa Lianga Municipal Police Station (MPS) ang Top 1 Municipal Most Wanted Person sa lungsod sa Lianga, Surigao del Sur, pinaagi sa pagpatuman sa warrant of arrest niadtong Agosto 4, 2026.
Ang nadakpan, nga giila lamang sa alyas nga “Balong,” nag-atubang og kasong paglapas sa Republic Act No. 11313 o Safe Spaces Act (Bawal Bastos Law), ilabina sa Sections 4 ug 11(A). Malampusong nahimo ang operasyon ug walay nahitabong insidente atol sa pagdakop.
Sa pagkakaron, anaa na sa kustodiya sa kapulisan ang suspetsado ug gipailalom na sa hustong legal nga proseso.
Photo courtesy: Lianga MPS
