Gitunol sa Probinsyal nga panggamhanan sa Davao del Norte ang tig-dyes kilos nga bugas ngadto sa 4,244 ka mga benepisyaryo gikan sa walo ka barangay sa Tagum City, lakip ang Barangay Liboganon ug San Isidro, pinaagi sa programang “Bigay Bigas Para sa Masa.”
Gipangunahan sa Provincial Social Welfare and Development Office (PSWDO), uban sa mga opisyal sa barangay ug mga liaison officer sa Provincial Governor’s Office (PGO), ang maong distribusyon aron matabangan ang mga senior citizen, Persons with Disabilities (PWDs), mga pamilyang adunay ubos nga panginabuhian, ug uban pang mga benepisyaryo nga giila sa matag barangay.
Sumala pa, padayon nga ipatuman sa probinsyal nga panggamhanan ang maong programa sa ubang mga barangay sa Tagum City, samtang himuon usab ang susamang distribusyon sa Island Garden City of Samal karong adlawa Agosto 5, 2026.
Dugang niini, ang bugas nga gipang-apod-apod napalit pinaagi sa ₱77 milyones nga pondo nga nakuha ni Governor Edwin I. Jubahib gikan sa nasyonal nga panggamhanan aron mapalig-on ang suporta sa katawhan ning probinsya, ug makatabang sa ilang adlaw-adlaw nga panginabuhian.
Photo Courtesy: One DavNor Network
