Mikunhod ang crime rate sa Caraga Region subay kini sa resulta sa gipahigayong command conference sa pagpangulo ni PBGEN Marcial Mariano P Magistrado, Regional Director sa Police Regional Office-13 atol sa iyang pagbisita sa Surigao del Norte Police Provincial Office -SDNPPO ug Surigao Component City Police Station agig maayong performance sa kapulisan.
Ang pagkunhod sa crime rate sa tibuok Caraga Region subay sa gipatuman nga gipahugtang seguridad. Gipahayag Magistrado nga ang padayon nga operasyon batok sa kriminalidad ug ang paspas nga pagdakop sa mga wanted persons ug ubang mga nakalapas sa balaod maoy usa sa mga hinungdan sa pagkunhod sa mga kaso sa krimen sa rehiyon.
Gipasabot sa PRO13 nga ang maong resulta nagpakita sa ilang lig-on nga baruganan sa pagpatuman sa “drug-free police organization” ug sa pagpalig-on sa pagsalig sa publiko ngadto sa kapulisan.
