Nag-alburoto ang Fuego Volcano sa Guatemala, hinungdan nga kapin 1,699 ka mga residente ang gipabakwit gikan sa mga lungsod nga duol sa bulkan alang sa ilang kaluwasan.
Padayon ang pagbuga sa bulkan og lava, abog, ug peligroso nga pyroclastic flows nga midagayday sa mga sapa ug bakilid sa palibot sa bulkan.
Sumala sa mga otoridad, ang abo mikatap na hangtod 120 ka kilometro ug misaka og kapin 5,000 metros ibabaw sa lebel sa dagat, nga nakaapekto sa kapin 29,000 ka mga tawo.
Tungod sa nagpadayon nga hulga, nagpatuman ang tulo ka rehiyon sa red alert, ang pinakataas nga lebel sa pahimangno, aron mapadali ang pagbakwit sa mga residente ngadto sa mas luwas nga evacuation centers.
Gibantayan sa mga awtoridad ang kahimtang sa Fuego Volcano, samtang giaghat ang mga residente nga sundon ang tanang evacuation ug safety advisories aron malikayan ang kadaot ug makalas nga kinabuhi.
Photo Courtesy: France 24
