Nagsugod na karong adlawa Agosto 5 ang 10th Aero Gymnastics Asian Championships nga pagahimoon sa Tagaytay CT Velodrome, diin dul-an 400 ka gymnasts gikan sa 12 ka nasod ang mosalmot.
Ang tournament nga adunay tema nga “Leap, Dance, One Asia” gi-organisar sa Gymnastics Association of the Philippines (GAP) ug gi-aprubahan sa Asian Gymnastics Union.
Sumala ni Cynthia Carrion, ang maong kompetisyon mahimong simbolo sa panaghiusa, panaghigalaay tali sa mga aerobic gymnasts sa Asya. Lakip sa mga moatbang alang sa Pilipinas sila Arcenio Cadios ug Charmaine Dolar.
Giingon sab ni Patrick Gregorio nga ang pag-host sa maong international event makatabang sa pagpalambo sa turismo sa Tagaytay.
Photo Courtesy: Philippine News Agency
