Gilantaw sa Department of Agriculture (DA) ang dakong potensyal sa enoki mushroom alang sa export ug sa nagkadako usab nga panginahanglan niini sa local market.
Sumala ni Francisco Tiu Laurel Jr., dako ang panginahanglan sa enoki mushroom sa mga nasod sama sa South Korea, Hong Kong, Singapore, pipila ka bahin sa China, ug sa Middle East.
Matud niya, adunay igo nga yuta ug kapasidad ang Pilipinas aron mapadaghan ang produksyon ug makasulod sa international market. Gihisgutan usab ni Ferdinand Marcos Jr. ang potensyal sa enoki mushroom isip eksport nga produkto atol sa iyang ikalimang State of the Nation Address (SONA).
Sa pagkakaron, mokabat sa 6,200 metric tons nga enoki mushroom ang giangkat sa Pilipinas matag tuig aron matubag ang lokal nga panginahanglan niini sa nasud.
Gi-awhag sa DA ang mga kwalipikadong mag-uuma nga mopahimulos sa mga agricultural credit program sa gobyerno pinaagi sa Agricultural Credit Policy Council aron mapalapad ilang produksyon.
Photo Courtesy: Yummy Addiction
