Gipasalig sa Department of Energy (DOE) nga dili maapektuhan ang suplay sa kuryente sa mga panimalay ug negosyo sa gawas sa Pax Silica Industrial Hub. Matod ni Energy Secretary Sharon Garin, adunay nagkalain-laing paagi aron matubag ang panginahanglan sa kuryente sa proyekto nga dili makasamok sa kasamtangang mga konsumidor.
Giingon ni Garin nga mahimong magtukod ang proyekto og kaugalingong planta sa kuryente o magpasulod og laing power provider nga eksklusibong mosuplay sa ilang operasyon. Nag-andam usab ang DOE og department circular aron klarohon ang mga opsyon sa suplay sa enerhiya alang sa maong proyekto.
Bisan pa niini, nagpadayon ang mga pangutana ug kabalaka sa publiko bahin sa posibleng epekto sa Pax Silica sa kalikupan ug sa mga lumad nga komunidad. Gipasalig sa DOE nga ilang siguruhon nga mapanalipdan ang interes sa mga konsumidor samtang gipatuman ang proyekto.
Photo Courtesy:Wikimedia Commons
