Nagpahigayon og provincial checkpoint ang mga personahe sa Cateel Municipal Police Station ubos sa pagpanguna ni PMAJ Michael P. Celecio, Chief of Police, niadtong Hulyo 28, 2026, gikan alas-8:00 hangtod alas-10:00 sa buntag sa National Highway, Sitio Mahoc, Barangay San Rafael, Cateel, Davao Oriental.
Ang maong checkpoint kabahin sa padayon nga kampanya sa kapulisan aron mapalig-on ang kaluwasan ug seguridad sa publiko pinaagi sa pagpatuman sa mga balaod ug regulasyon sa trapiko sulod sa ilang hurisdiksyon.
Gilauman sa Cateel Municipal Police Station nga pinaagi sa regular nga pagpahigayon sa mga checkpoint ug uban pang police operations, mapugngan ang kriminalidad, mapalambo ang disiplina sa mga motorista, ug mapadayon ang kalinaw ug kahapsay sa komunidad.
Photo Courtesy: Cateel MPS
