Naglaum ang Pilipinas nga mapirmahan ang usa ka Pax Silica framework deal uban sa Estados Unidos sulod karong tuiga, sumala sa gipahayag ni Finance Secretary Frederick D. Go niadtong Martes.
Niadtong Abril, ang Pilipinas nahimong ika-13 nga nasod nga miapil sa Pax Silica, ang inisyatiba nga gipangulohan sa US aron masiguro ang mga supply chain sa AI ug semiconductor.
Kasamtangan kining nakig-negosasyon sa usa ka framework alang sa usa ka 4,000-ektaryang industrial hub sa amihanang bahin sa Manila.
Ang mga opisyal sa US ug kapin sa usa ka dosena nga mga representante sa kompanya, lakip ang chairman sa Foxconn, mibisita sa New Clark City niadtong Mayo aron susihon ang dapit nga gitinguha alang sa nahisgutang hub.
Giila ni G. Go ang Foxconn isip magsilbing anchor sa giplanong tech hub, diin ang paghimo og mga electronics component ang prayoridad nga pamuhunan.
Sa pagkakaron, ang US State Department naglista og 23 ka mga signatories sa deklarasyon sa Pax Silica, gikan sa Australia, India, Japan, ug South Korea, hangtod sa European Union, Britain, Argentina, Qatar, ug United Arab Emirates.
Photo courtesy:radar.com
