Mga Ka-Juander, kung mokibot ang imong mata ayaw gyud sulayi ang pagpakonsulta kang “Doctor Google!”
Usa ka lalaki sa China ang naospital human niya gisagpa-sagpa ang iyang kaugalingong mata sulod sa tulo ka adlaw kay nagtuo siya nga malas ang kanunay nga pagkibot sa iyang tuo nga mata.
Matod sa report, nakabasa matod pa siya sa internet nga kon sagpaon ang mata, mawala ang pagkibot. Ug tinuod man, mihunong ang pagkibot, pero halos naapil pud ang iyang panan-aw!
Pag-abot sa ospital, nasuta sa mga doktor nga nadetach ang retina sa iyang mata ug kinahanglan dayon operahan. Maayo na lang kay naluwas pa ang iyang panan-aw.
Busa mga Ka-Juander, kung mokibot ang mata, ayaw dayon og sagpaa. Basin ang malas nga imong gikahadlokan, mao na hinuon ang hinongdan sa wala damha nga pagkabuta.
Photo courtesy: Brandon Eye Associates
