Giangkon ni Department of Education Regional Director Arturo Bayocot nga kulang pa sa Guidance Counselors ang mga eskwelahan sa rehiyon ug sa dakbayan ug Lungsod sa Sugbo tungod sa sweldo nga gitanyag sa Department of Education.
Gipasabot ni Bayucot nga daghang lisensyadong Guidance Counselors ang mopili og trabaho sa ubang ahensya o pribadong sektor diin mas taas ang sweldo ug benepisyo.
Gipadayag usab niya nga padayon ang pagpaningkamot sa DepEd aron mapun-an ang kakuwang sa mga Guidance Counselors sa mga pampublikong eskwelahan.
Matud ni Bayucot nga adunay dakong papel ang mga Guidance Counselors sa pag-atiman sa pangisip ug emosyon sa matag estudyante.
Gihangyo usab niya ang angayng mga ahensya nga suportahan ang mga lakang aron mapaayo ang kompensasyon ug madani ang dugang nga mga propesyonal sa serbisyo sa edukasyon.
Photo courtesy: Philippines Graphic
