Nagpahibalo ang Organization of the Petroleum Exporting Countries (OPEC+) nga dugangan niini ang produksyon sa lana sugod sa bulan sa Agosto niining bulana, isip kabahin sa plano sa grupo, aron matubag ang panginahanglan sa global nga merkado ug mapalig-on ang suplay sa krudo.
Sumala sa OPEC+, ang pagtaas sa produksyon, gitumong usab, aron mapugngan ang kusog nga pag-usbaw sa presyo sa lana ug mamintinar ang kalig-on sa merkado taliwala sa nagpadayon nga kawalay kasigurohan sa ekonomiya sa kalibutan ug mga geopolitical tensions.
Gilauman sa mga analista nga ang maong lakang, mahimong makaapekto sa presyo sa gasolina ug uban pang produktong petrolyo sa nagkalainlaing nasud. Padayon usab nga gibantayan sa mga mamumuhunan ang epekto niini sa global nga ekonomiya ug merkado sa enerhiya.
Photo Courtesy: Marketwatch
