Napuno sa emosyon si Cristiano Ronaldo human opisyal nga matapos ang iyang pag-apil sa FIFA World Cup kasunod sa kapildihan sa Portugal batok sa Spain, 1-0, sa Round of 16 nga gidula sa Arlington, Texas niadtong Lunes.
Ang bugtong goal sa duwa gipasok ni Mikel Merino sa second-half stoppage time, nga maoy nagpasulod sa Spain sa quarterfinals ug nagtapos sa kampanya sa Portugal.
Human sa final whistle, mihilak si Ronaldo samtang nagpasalamat sa palakpak sa mga Portugal supporters. Sa edad nga 41, gitapos niya ang iyang World Cup career nga adunay 27 ka appearances, ikaduhang pinakadaghan sa kasaysayan sunod kang Lionel Messi.
Gidayeg ni Portugal head coach Roberto Martínez ang iyang kapitan, nga iyang gihulagway isip ehemplo sa liderato, dedikasyon ug inspirasyon sa football.
Bisan nakaiskor og tulo ka goals sa torneyo, wala makalusot ang Portugal batok sa lig-on nga depensa sa Spain. Sa wala pa ang duwa, gipamatud-an usab ni Ronaldo nga mao na kini ang iyang katapusang pag-apil sa FIFA World Cup.
Samtang, mopadayon ang Spain sa quarterfinals diin ilang atubangon ang modaog sa duwa tali sa USA ug Belgium.
Photo Courtesy: Bleacher Report Football
