Patay ang kapin 20 ka sibilyan samtang daghan pa ang naangol human sa sagunson nga missile ug drone attacks nga gipahigayon sa Russia batok sa Kyiv ug ubang kasikbit nga mga lugar sa Ukraine. Nagpadayon ang rescue operations og gisusi pa ang gidak-on sa kadaot sa mga apektadong komunidad.
Tungod sa nagkagrabeng sitwasyon, nanawagan si Ukrainian President Volodymyr Zelenskyy sa North Atlantic Treaty Organization nga mohimo og mas lig-on nga mga lakang, aron mapalig-on ang depensa sa Ukraine sa wala pa ang umaabot nga NATO Summit.
Padayon ang tensyon tali sa Russia ug Ukraine, samtang nagpadayon usab ang internasyonal nga panawagan alang sa kalinaw ug diplomatikong solusyon, aron mahunong ang gubat nga nagpadayon sulod sa kapin upat na ka tuig.
Photo Courtesy: Anchorage Daily News
