Mas gipakusgan pa probinsyal nga panggamhanan sa Surigao del Sur, ilalom sa pagdumala sa panggamhanang probinsyal, ang nagkadaiyang inisyatiba alang sa responsible parenthood ug family planning sukad pa sa nakalabay nga tuig.
Gipahigayon kini nga mga programa pinaagi sa Population Division, nga gi-integrate ang mga inisyatiba sa aspeto sa governance, palisiya, ug lokal nga development planning.
Gidugang niya nga pinaagi sa inter-agency coordination ug proactive engagement sa mga local government units (LGUs), nalabwan pa sa provincial government ang gitakda nga physical targets ilalom sa mga programa sa responsible parenthood ug family planning.
Sa milabay nga tuig, gibutyag nga 20,139 ka indibidwal ug magtiayon ang naabot sa awareness campaigns ug outreach activities alayon sa maong programa.
Gipakusgan usab matod pa ang Adolescent Health and Development Programs, kauban ang mga eskwelahan, community organizations, ug LGUs, aron mapaabot ang sexual ug reproductive health education ngadto sa 10,769 ka batan-on ug 3,603 ka ginikanan.
Dugang pa nga nagpatuman usab ang Provincial Nutrition Office og flagship initiative nga Jaon Ta Pagkaon (JTP) – First 1,000 Days Dietary Supplementation Program, nga nakatabang sa maternal ug child nutrition sa nagkadaiyang komunidad sa probinsya.
Ubos gihapon sa maong ahensya, napatuman ang pagpang apud-apod og Nutripaks ngadto sa 17 ka munisipalidad, ug naghatag ang provincial government og PHP1,000 binulan nga honoraria ug incentives ngadto sa mga Barangay Nutrition Scholars (BNS), nga mokabat sa PHP3,768,000 sa dihang gipahigayon ang bi-annual Provincial BNS Assembly.
Sa milabay nga tuig, ang Barangay Population Volunteers (BPVs) ug Municipal Population Officers (MPOs)-Designate nakadawat og PHP1,854,000 nga monthly incentives. Karong tuiga, gi-aprobahan ni Gob. Johnny ang incentives sa BPVs ug MPOs nga mokabat sa PHP2,040,000.
Gipakusgan usab ang monitoring ug service delivery pinaagi sa electronic Operation Timbang Plus (e-OPT) system, aron masiguro ang sakto nga nutrition tracking ug data-driven interventions. Mi-alokar ang probinsya og PHP1,000,000 para sa nutritional measurement tools.
Gidugang pa nga karong tuiga, ang probinsya usa sa mga kusog nga contender alang sa Consistent Regional Outstanding Winner in Nutrition (CROWN) Award.
