Gipadayag sa Department of Trade and Industry nga ang presyo sa basic goods sa Northern Mindanao nagpabilin sa “reasonable status” base sa pinakabag-ong monitoring. Apan, namatikdan ang pagsaka sa presyo sa processed milk sa mga probinsya sa Misamis Oriental ug Misamis Occidental.
Samtang sa Lanao del Norte, nagpabilin nga walay lihok ang presyo sa mga batakang palaliton tungod kay ubos kini sa state of calamity, diin gipatuman ang price freeze.
Tungod niini, nagrekomenda ang mga otoridad sa mga Local Government Units (LGUs) nga padayon nga suportahan ang Kadiwa stores ug mga Diskwento Caravan aron masiguro ang barato ug abot-kayang palaliton alang sa katawhan.
Photo courtesy: DTI 10/ Facebook
