Arestado sa kapulisan ang duha ka mga suspetsado human sila ma-intercept sa gilusad nga stop and frisk checkpoint sa Barangay Danlugan, Pagadian City, niadtong nakalabay nga adlaw.
Ang mga suspetsado gilangkuban sa 29-anyos ug 42-anyos nga residente sa Barangay Bulatoc ug Barangay Tuburan, Pagadian City.
Nabawi sa operatiba gikan sa unang suspetsado ang usa ka kalibre 45 nga pistola, usa ka magazine, tulo ka buhing bala, usa ka gray Honda Click 125 nga motosiklo ug usa ka yawi.
Samtang ang nabawi sa operatiba gikan sa ikaduhang suspetsado mao ang usa ka kaliber 45 nga pistola, usa ka magazine, lima ka buhing bala, usa ka holster, usa ka yawe, ug usa ka Mio i 125 nga motorsiklo.
Ang mga suspetsado lakip ang mga nakuhang butang gidala sa Pagadian City Police Station alang sa pagpasaka sa kaso may kalabutan sa paglapas sa RA 10591 kon Comprehensive Firearms and Ammunition Regulation Act.
Photo Courtesy: PD ZSPPO, PRO9
