Mibisita sa Provincial Capitol sa Lanao del Norte ang mga opisyales sa Department of Trade and Industry – Lanao del Norte alang sa pagpahigayon og courtesy call ug pagpresentar sa ilang mga kalampusan ug plano alang sa probinsya.
Gipangulohan ni Provincial Director Jane Marie L. Tabucan, kauban sila si Division Chief Arim L. Mira, OIC Division Chief John Clifford M. Fernan, ug Planning Officer Ara Arian Garay ang maong pormal nga pagbisita.
Usa sa ilang gihatagan og gibug-aton mao ang pagpangayo og suporta alang sa Halal Slaughterhouse, diin mitubag ang Kapitolyo nga bisan pa man sa limitadong pondo, posible kining matukod pinaagi sa panaghiusa sa mga LGU ug mga end-user.
Giplastada usab ang isyu sa padayong implementasyon sa mga Roll-It Program, partikular na sa mga kalsada nga konektado sa economic zones, aron mas mapadali ang kalambuan sa negosyo ug pamuhunan sa Lanao del Norte.
Ang maong panagtagbo usa ka timaan nga ang DTI seryoso sa ilang tumong nga mapausbaw ang ekonomiya sa probinsya pinaagi sa tataw ug tinud-anay nga serbisyo.
Photo courtesy of Province of Lanao del Norte FB Page
