Gimando ni Department of Agriculture Secretary Francis Tiu Laurel Jr. ang pagkansela sa import permit sa bugas nga sakay sa barkong MV Tay Son human makadawat og negatibong impormasyon kabahin sa kargamento.
Matud ni Tiu Laurel Jr., ang kompanyang Planters Product Incorporated maoy mihangyo sa pagkansela human nasayran nga 5 porsiyento lamang ang broken rice sa kargamento, imbes 25 ang gikasabotan.
Miabot ang barko sa Davao niadtong Septiyembre 14 nga walay balidong import clearance ug gikataho nga misupak ang kapitan sa inspeksiyon. Gidala kini sa Philippine Navy ngadto sa General Santos City human mobiya sa Davao nga walay clearance.
Girekomendar sa Bureau of Plant Industry nga ibalik sa gigikanang nasud ang bugas, samtang naghulat sa aksiyon sa Bureau of Customs nga posibleng mosakmit sa kargamento ug mopahamtang og silot.
Photo courtesy : Wikipedia
