Misaka karon ang singil sa kuryente karong bulana sa Oktubre sumala sa Manila Electric Company o Meralco nga niabot sa ₱0.3191 matag kilowatt-hour nga gikan sa ₱14.7424 ngadto sa ₱15.0615 matag kWh.
Tungod niini, ang mga panimalay nga nagakonsumo og 200 kWh matag bulan mag-atubang sa dugang nga bayranan nga mokabat sa ₱64, tungod sa pagsaka sa gasto sa pagmugna og kuryente ug sa presyo sa elektrisidad sa Wholesale Electricity Spot Market.
Matud sa Meralco, nga andam na kini sa pagpatuman sa distribution rate nga giaprobahan sa Energy Regulatory Commission o ERC, nga misaka ngadto sa ₱1.48 matag kWh gikan sa ₱1.35.
Sa pagkakaron, wala pa matino ang eksaktong petsa sa pagpatuman niini tungod kay wala pa madawat sa kompanya ang opisyal nga desisyon sa ERC.
Photo courtesy: InsiderPH
