Gideklarang kampeonato ang Iligan City Police Office o ICPO sa Enhanced Managing Police Operation (EMPO) Challenge nga gipahigayon niadtong Oktubre 13, 2026, sa Camp 1Lt. Vicente G. Alagar, Lapasan, Cagayan de Oro City.
Nakab-ot ang maong kalampusan ubos sa pagpangulo ni PLTCOL Melfin Ian U. Burlat, Officer-in-Charge sa ICPO, nga nagpakita sa ilang mga personahe sa ilang kaandam sa operasyon ug kahanas sa paggamit sa modernong teknolohiya sa kapulisan.
Lakip sa mga kahanas nga gisulayan ang pagdumala sa mga tawag alang sa emerhensiya, komunikasyon pinaagi sa radyo, paggamit sa drone, Zoom, Discord ug Body-Worn Camera, ingon man ang abilidad sa mga unit commander sa pagdumala sa EMPO.
Sumala sa ICPO, nagpakita ang maong kalampusan sa ilang padayong paningkamot sa pagpalambo sa digital nga sistema ug paghatag og episyente nga serbisyo publiko, isip kabahin sa pagpalig-on sa kaluwasan ug seguridad sa mga residente sa Iligan City.
