Gipahigayon ni Police Regional Office 10 o PRO-10 Regional Director PBGEN Nestor C. Babagay Jr. ang iyang unang command visit sa Lanao del Norte Police Provincial Office o LDN PPO niining Oktubre 14, 2026, sa Camp Major Eduardo J. Gallego, Pigcarangan, Tubod, Lanao del Norte.
Mainiton siyang gidawat ni LDN PPO Provincial Director PCOL Leo De Leon Sua, kauban ang Provincial Command Group ug mga personahe sa kapulisan, diin gihatagan usab siya og tradisyonal nga foyer honors isip timaan sa pagtahod ug pag-ila.
Isip kabahin sa iyang pagbisita, gipangunahan ni Babagay ang kalihokang “Talk to Men” nga gitambongan sa Quad Staff sa LDN PPO, 22 ka hepe sa kapulisan sa mga lungsod, mga force commander sa 1st ug 2nd Provincial Mobile Force Companies, mga representante sa National Support Units, ug uban pang uniformado ug dili uniformadong personahe.
Matud ni Babagay, importante ang kamahinungdanon sa disiplina, propesyonalismo, integridad ug tulubagon sa pagtuman sa mga katungdanan sa kapulisan.
Panawagan niini, tanang kapulisan nga magpabiling alerto ug aktibo sa pagpugong sa kriminalidad, samtang palig-onon ang pagsalig ug kompiyansa sa publiko ngadto sa kapulisan.
