Gipakita ang nagkalain-laing lokal nga produkto ug kultural nga panulondon sa Davao Oriental atol sa DAYAW 2026 nga gipahigayon sa Foro de Intramuros sa Manila gikan Oktubre 13 hangtod 15, 2026.
Lakip sa mga gipakita ang mga bag nga hinimo sa abaka ug buyot, mga aksesorya nga adunay beads, ug tradisyonal nga mga sinina sa mga lumad nga Manobo ug Mandaya.
Girepresentahan ang SLT Davao Oriental Mandaya nila ni Aljoy L. Ombaogan ug Kiefer C. Aguis sa maong kalihokan nga nagtumong sa pagpaila sa dato nga kultura ug mga hinimo sa kamot sa mga lumad.
Ang School of Living Tradition (SLT), ubos sa National Commission for Culture and the Arts (NCCA), nagtinguha sa pagpreserbar ug pagpalambo sa mga tradisyon, kahanas, ug kultural nga panulondon sa mga komunidad sa lumad.
Photo courtesy: SLT Davao Oriental Mandaya
