Gipangunahan ni PCPT Roy L. Englisa, Officer-in-Charge (OIC) sa Baganga Municipal Police Station ang gipahigayon nga Oplan Disiplina ug inspeksyon sa mga personahe sa kapulisan niadtong Oktubre 14, 2026.
Tumong sa maong kalihokan aron sa pagsiguro nga ang tanang personahe motuman sa mga sumbanan ug regulasyon sa Philippine National Police ug mapalig-on usab ang ilang disiplina ug propesyonalismo.
Lakip sa gisusi atol sa inspeksyon ang hustong pagsul-ob sa uniporme, personal nga kahinlo ug kahapsay, pamatasan, ug pagsunod sa mga lagda nga gipatuman sa organisasyon.
Pinaagi niini, gipahinumdoman ang mga kapulisan sa kamahinungdanon sa pagpadayon sa disiplina, pagkaalerto, ug kaandam sa pagtuman sa ilang tagsa-tagsa ka katungdanan ug responsibilidad aron maprotekhan ang tanang katawhan sa Baganga.
Photo courtesy: Baganga Municipal Police Station
