Gibutyag ni Ret. PCAPT Bernard M. Bumatay, Officer-in-Charge sa City Traffic Management Office (CTMO), nga kapin sa 50 ka mga kolorum nga sakyanan ang naisyuhan og citation ticket sa dakbayan, subay sa ilang gipakusog nga operasyon sa kadalanan.
Subay sa pakighinabi sa Juander Radyo Mati Team kang Bumatay iya usab gipaklaro nga ang mga indibidwal nga nadakpan ug naisyuhan og citation ticket dili taga Mati, apan mga taga sa laing munisipyo.
Dugang pa ni Bumatay nga hugot nilang ipatuman ang mga balaod trapiko ug pagbadlong sa mga drayber nga dili musunod sa mga lagda o ordinansa sa dakbayan.
Samtang, gipasalig sa CTMO nga magpadayon sila sa ilang mga operasyon aron masiguro nga ang mga sakyanan nga nagbiyahe sa dakbayan sa Mati adunay legal nga mga dokumento.
