Gipasidunggan ang Lokal nga Pangagamhanan sa Mawab isip usa sa Best LGU Data Providers sa Davao de Oro tungod sa tukma, kompleto ug kasaligan nga datos nga gisumite alang sa pagkompila sa 2025 Provincial Product Accounts sa probinsya.
Gidawat sa LGU Mawab ang Plaque of Recognition atol sa 2025 Provincial Product Accounts Data Dissemination Forum nga gipahigayon sa ComVal Hotel, Poblacion, Nabunturan, Davao de Oro niadtong Oktubre 15, 2026,.
Ang maong pasidungog nag-ila sa kontribusyon sa LGU Mawab sa pagsiguro sa kalidad sa datos nga gigamit isip basihan sa pagplano ug paghimog mga desisyon alang sa kalamboan sa probinsya.
Ubos sa administrasyon ni Mayor Myrill Apit, MPA, padayon nga gipasiugda sa lokal nga pangagamhanan ang maayong pagdumala, transparency ug accountability, uban sa paningkamot sa mga kawani sa matag opisina sa paghatag og tukma ug kasaligan nga impormasyon.
Photo courtesy:Municipality of Mawab
