Nasikop sa mga kapulisan ang usa ka lalaki nga gikonsiderang Street Value Individual atol sa gilusad nga drug buy bust operation didto sa Purok Maribuhok, Barangay Poblacion, Cateel, Davao Oriental pasado alas 4:15 sa hapon niadtong Oktubre 14, 2026.
Gihimo ang operasyon sa pagpanguna sa Cateel Municipal Police Station, kauban ang PDEU/SOT DOPPO ug lain pang mga operatiba nga miresulta sa pagkasikop ni alyas “Dodong”, 39 anyos, usa ka mag-uuma residente sa maong lugar.
Nakuha gikan sa suspek ang tulo ka pakete sa gituohang shabu nga gibana banaang mutimbang sa 0.3 gramo ug adunay standard drug price nga Php 2,040.00. Nasakmit usab sa kapulisan ang usa ka PHP 500 nga buy-bust money.
Ang dinakpan mag atubang sa kasong paglapas sa RA 9165 kun Comprehensive Dangerous Drugs Act of 2002 ug sa kasamtangan gikustodiya na sa Cateel Municipal Police Station alang sa tukmang disposisyon.
Photo courtesy: Cateel MPS
