Padayon nga gipakusgan ug gipalig-on sa mga personahe sa Cateel Municipal Police Station ang ilang mga operasyon ilabina sa pakigbatok sa mga kriminalidad sulod sa ilang area of responsibility.
Sa pakighinabi sa Juander Radyo Mati Team kang PLT Ervin S Fernanado, Deputy Chief of Police sa Cateel MPS, iyang gipadayag ang mga accomplishments report sa ilang estasyon, lakip na ang mga malampuson nga anti-illegal drug operation, illegal gambling, illegal logging ug uban pa.
Gani, gidasig ni PLT Fernando ang tanang residente sa Cateel nga makigtimbayayong sa kapulisan kapulisan pinaagi sa paghatag og tukmang impormasyon kalabot sa mga ilegal nga kalihokan, ingon man ang pagtuman sa mga ordinansa nga gipatuman sa lokal nga panggamhanan.
Samtang, gipasalig usab ni Fernando nga andam ang Cateel MPS sa pagpatuman sa mga gikinahanglang lakang sa seguridad ug kaluwasan aron mapanalipdan ang katawhan atol sa umaabot nga pagsaulog sa Araw ng Cateel.
