Nadakpan ang usa ka lalaki nga giila nga High Value Individual atol sa gikasang anti-illegal drug buy-bust operation didto sa Barangay Dahican, Mati City, pasado alas 10:45 sa gabii, niadtong nakalabay nga adlaw.
Ang suspek naila nga si alyas “Joefer,” 47 anyos, diiin nakumpiska gikan kaniya ang upat ka heat-sealed plastic sachets nga adunay sulod sa gitouhang shabu nga gibana banaang mutimbang sa 7.485 gramos ug adunay kinatibuk-ang kantidad nga ₱50,898.00. Narekober usab ang ₱500 nga buy-bust money, usa ka .38 caliber revolver, lima ka buhing bala, ug usa ka holster.
Ang operasyon gipahigayon sa mga personahe sa Mati City Police Station, kauban ang mga sakop sa Provincial Intelligence Unit (PIU) sa DOPPO ug Philippine Drug Enforcement Agency Davao Oriental Provincial Office.
Human sa pagdakop sa suspek, gipasabot dayon kini sa iyang mga katungod samtang ang mga nakumpiskang ebidensya gimarkahan ug giimbentaryo uban sa mga testigo. Sa pagkakaron ang dinakpan anaa na sa kustodiya sa kapulisan ug mag atubang ug tukmang mga kaso.
Photo courtesy: Mati CPS
