Gipagawas ni Malaybalay City Councilor Jason Chad Ayala ang inisyal nga listahan sa 30 ka barangay sa siyudad nga sa pagkakaron wala malambigit sa gikaingong kickback issue sa mga proyekto sa barangay.
Gikan kini sa kinatibuk-ang 46 ka barangay sa Malaybalay City, diin 16 pa ang wala maapil sa maong listahan. Usa sa mga naka lista nga posibleng Cleared Barangay mao ang Dalwangan, Patpat, Kalasungay, Manalog, Brgys 1 to 11, Casisang, San jose, Laguitas, Aglayan, Bangcud, Cabangahan, Miglamin, Imbayao, Mapayag, Magsaysay, Silae, St.peter Apo macote, Sinanglanan, Sto.nino
Matod ni Ayala, partial pa ang datos tungod kay nagpaabot pa siya sa dugang nga impormasyon gikan sa ubang mga contractor.
Una nang migawas ang reklamo nga anaa sa unom ngadto sa walo ka barangay ang posibleng nalambigit sa alegasyon nga adunay mga opisyal nga nangayo og 10 porsiyentong “SOP” o kickback sa mga proyektong ipatuman sa ilang lugar. Apan, gipasiugda nga alegasyon pa lamang kini ug wala pa mapamatud-i, samtang nagpaabot pa sa imbestigasyon ang maong isyu.
Photo courtesy: Jason Chad Ayala
