Kusganong gikondenar sa Liga nga Barangay – Malaybalay City Chapter, sa panguna ni Liga President ug City Councilor Julius N. Manghano, ang mga walay basihan ug malisyosong impormasyon sa social media nga nag-akusar sa pipila ka barangay sa dakbayan nga nalambigit matud pa sa usa ka “10% kickback” scheme gikan sa mga contractor.
Giisip kini nga misinformation ug tuyo nga pagguba sa dungog sa mga opisyal ug sa ilang mga barangay. Sumala pa kung adunay akusasyon sa korapsyon, kinahanglan kini agi sa sakto ug pormal nga administrative o legal channels, dili pinaagi sa mga anonymous accounts o unverified lists sa social media
Nagtuon karon ang Liga sa mga legal nga aksyon (cyberlibel ug digital misinformation laws) batok sa mga tawong naghimo ug nagpakatap niining mga bakak nga balita. Giawhag ang tanan nga magmatngon ug masusi sa mga gina-share sa online aron dili makatabang sa pagpakatap og mga walay basihan nga akusasyon.
Photo courtesy: Julius N. Manghano
