Gilaumang motubo lamang og 3.4 porsiyento ang ekonomiya sa Pilipinas karong tuiga 2026 tungod sa padayong pagsaka sa presyo sa mga pangunang pagkaon ug enerhiya.
Kini ang gipagawas nga banabana sa International Monetary Fund (IMF) sa ilang pinakabag-ong World Economic Outlook nga gitaho niadtong Miyerkules, Oktubre 14, diin gilaoman usab nga moabot sa 5.6 porsiyento ang average inflation rate sa nasod tungod sa epekto sa mahal nga kuryente, petrolyo, ug bugas sa panglawas sa pamatigayon ug panginabuhi sa mga pamilyang Pilipino.
Tungod sa dakong pagsalig sa nasod sa mga imported nga lana ug petrolyo, miatubang ang merkado sa mas taas nga gasto sa transportasyon nga naghatag usab og domino nga epekto sa presyo sa ubang mga batakang baligyaon. Bisan pa man niini nga paghinay, naglaom ang IMF nga makabawi ug motubo og 5.1 porsiyento ang ekonomiya sa Pilipinas sa mosunod nga tuig 2027 kon mobalik ang pagsalig sa mga mamumuhunan ug magpabilin nga siguro ang suplay sa pagkaon ug enerhiya sa nasod
Photo courtesy: IMF
