Nagsaka sa 94 porsyento halin sa 93 porsyento ang regional safety rating sang SOCCSKSARGEN sa ikaduha nga quarter sang 2026, samtang nagnubo naman sa 22.2 porsyento ang na-record nga focus crimes, suno sa comparative survey sang Mindanao Development Authority ukon MinDA kag Police Regional Office 12 ukon PRO 12.
Base sa datos, nagnubo sa 273 ang mga kaso sang walo ka focus crimes sa ikaduha nga quarter, kon ikomparar sa 351 ka kaso sa una nga quarter sang sini nga tuig. Nagtaas man sa 95.03 porsyento halin sa 94 porsyento ang satisfaction rating sang publiko sa mga serbisyo sang kapulisan.
Samtang, sa 2025 PRO 12 Scorecard, naglab-ot sa 94.6 porsyento ang Regional Safety Index, mas mataas sa 92 porsyento nga target. Nakapagkit man ini sang 95.2 porsyento sa Public Trust, 96 porsyento sa respeto, kag 95.1 porsyento sa satisfaction sang publiko.
Apang, ginpahayag sa survey nga may mga aspeto pa nga kinahanglan tutukan, lakip ang pagtaas sang mga nagreport nga biktima sila sang krimen kag ang pagnubo sang mga nagapangayo sang bulig sa kapulisan.
Photo courtesy: PNP Police Regional Office 12
