Nakumpiskar sang mga kapulisan ang siyam ka master cases sang ginapatihan nga ginpuslit nga sigarilyo nga nagabalor sang ₱385,065.00 sa Sitio Bakung, Barangay Kulong-Kulong, Palimbang, Sultan Kudarat, sang gab-i sang Oktubre 15, 2026.
Suno sa Police Regional Office 12, nadiskubrehan sang mga personahe sang Palimbang Municipal Police Station ang mga kahon sang sigarilyo nga ginpatong kag partially covered sang trapal sa tupad sang isa ka ginpabay-an nga balay sang mga alas-11:15 sang gab-i.
Sa imbentaryo nga ginhimo sa presensya sang isa ka Barangay Kagawad, pito ka master cases ang Berlin cigarettes kag duha ka master cases ang Fort cigarettes.
Sa pagkakaron, yara na sa Palimbang Municipal Police Station ang mga nakumpiskar nga sigarilyo para sa dokumentasyon kag nagahulat sang pag-turnover sa BOC Sub-port General Santos City para sa nagakaigo nga aksyon.
Photo courtesy: PNP Police Regional Office 12
