Ginpakita na sa publiko sang lokal nga panguluhan sang President Quirino, Sultan Kudarat ang disenyo sang bag-o nga Municipal Hall nga pagatukuron sa banwa.
Ang bag-o nga edipisyo mangin sentro sang pagdumala kag pagserbisyo sa mga pumuluyo, kag ginalauman nga magarepresentar sa historya, kultura kag paghiusa sang komunidad.
Gintalana sa Oktubre 18, 2026 ang ground-breaking ceremony sang nasambit nga proyekto, nga pangunahan ni President Quirino Mayor Katrina Buena F. Sandigan, kaupod si Sultan Kudarat Governor Datu Pax Ali Sangki Mangudadatu kag ang ika-17 nga Sangguniang Bayan sang banwa.
Samtang, nagapadayon na ang nagkalain-lain nga aktibidad bilang bahin sang selebrasyon sang ika-53rd nga Foundation Anniversary kag ika-26th nga Sambuyawan Festival sang President Quirino, nga magatongtong sa adlaw sang pista sa Oktubre 18.
Ginapaabot nga ang bag-o nga Municipal Hall mangin simbolo sang pag-uswag sang banwa kag magasuporta sa mas maayo nga pagserbisyo sa mga pumuluyo.
Photo courtesy: Dayaw ka Pres Quirino
