Tabangan sa Local Government Unit (LGU)-Iligan ang mga mag-uuma nga na-apektuhan sa El Niño ug adunay budget nga gindam nga nikabat sa 3.35 milyon. Sumala pa, ang 2.35 milyon gikan sa City Agriculturist’s Office ug ang 1 milyon gikan sa Iligan City Disaster Risk Reduction and Management Office.
Matud ni Teodosia D. Jaraba, acting head sa City Agriculturist’s Office, 16 na ka barangay sa Iligan ang naapektuhan sa kainit ug kakulang sa tubig gikan sa bulan sa Hulyo hangtod sa tunga-tunga sa bulan sa Septyembre ning tuiga.
Na-apektuhan ang pananom sa mga mag-uuma sama sa humay, mais, saging ug utanon, ingon man sa mga kahayopan ug tungod gihatag sa LGU-Iligan ang mga binhi, gamit sa irigasyon, mga sudlanan sa tubig, mga bomba ug organikong abono.
Sa pagkakaron, padayon ang pagmonitor ug pagtimbang-timbang sa mga lugar nga posibleng maapektuhan ug lauman nga molungtad ang El Niño hangtod sa unang tulo ka bulan sa tuig 2027.
