Nakapagkit ang Sultan Kudarat State University ukon SKSU sang 49 ka Scopus documents sa 2026, suno sa October 15, 2026 update sang Scopus documents sa Region 12.
Base sa datos, ang SKSU may kabug-usan nga 165 ka dokumento, nga nagapahamtang sa unibersidad sa ikatatlo nga pwesto sa listahan sang mga higher education institutions sa rehiyon.
Nagapanguna sa listahan ang University of Southern Mindanao nga may 375 ka dokumento, kasunod ang Mindanao State University–General Santos City nga may 244.
Ang resulta nagapakita sang research output sang SKSU sa nagligad nga mga tuig, lakip ang padayon nga kontribusyon sini sa siyentipiko kag akademiko nga mga publikasyon.
Ang Scopus isa ka internasyonal nga database sang mga research paper, scholarly journal, kag iban pa nga siyentipiko nga publikasyon.
Ang SCOPUS isa ka daku kag multidisiplinaryo nga database sang mga abstrak kag citation sang mga literatura nga ginrepaso sang mga eksperto . Ginlunsar ini sang Elsevier sang tuig 2004 kag ginagamit sa pagpangita kag pag-usisa sang mga artikulo, research paper, kag iban pa nga siyentipiko nga publikasyon.
Photo courtesy: GHF University Excellence
