Miabot sa 27 ka mga nagkalain-laing Chinese vessel ang namonitor sa Armed Forces of the Philippines (AFP) sa pito ka mga feature sa West Philippine Sea sulod lamang sa unom ka adlaw, gikan Oktubre 6 hangtod 12 ning tuiga.
Sumala kang Rear Admiral Roy Vincent Trinidad, tigpamaba sa AFP alang sa West Philippine Sea, ang maong ihap kabahin sa ilang regular nga maritime surveillance sa katubigan sa nasod, diin lakip sa mga namatngonan ang mga barko sa Chinese Coast Guard ug sa People’s Liberation Army Navy.
Base sa talaan sa kapulisan ug militar, siyam ka mga barko sa China ang namatikdan sa Ayungin Shoal samtang 12 usab ang namonitor sa dapit sa Bajo de Masinloc. Dugang pa niini, aduna usab namatikdan nga usa ka barko sa Chinese Navy sa Escoda Shoal ug lima ka mga barko sa Coast Guard ug Navy sa may dapit sa Pag-asa Island, samtang nagpadayon ang nagasulbong nga tensyon tali sa Pilipinas ug China bahin sa giangkon nga mga teritoryo ug katubigan.
Photo courtesy: PCG
