Nagpatala sa kapulisan sa BCP2 ang retiradong pulis, human kining gitulis sa duha ka wala pa mailhing lalaki sa Purok 4, Barangay Obrero, Butuan City, pasado alas 10:00 sa gabii.
Base sa sumbong sa biktima, nga wala na lang ipagawas ang iyang pangalan, gikan siya sa Langihan ug nagpadulong na sa ilang balay dihang miduol kaniya ang duha ka lalaki.
Sumala sa biktima, misulay ang mga suspek sa pagkuha og armas. Apan wala siyay armas nga dala niadtong higayona, ug natangag sa mga suspek ang iyang itom nga scooter nga nagtangag sa plakang numero 537, lakip ang iyang cellphone ug uban pang personal nga mga gamit.
Gipangutana usab sa mga suspek ang biktima bahin sa ilegal nga droga atol sa maong insidente. Human sa panghitabo, nangayo og tabang ang retiradong pulis sa Butuan City Police Station 2.
Sa pagkakaron, padayon ang imbestigasyon sa kapulisan aron mailhan ug madakpan ang mga responsable sa pagpanulis, lakip ang pagsubay sa natangag nga motorsiklo ug mga personal nga gamit sa biktima.
Photo courtesy: BCP2
