Nagtanom sang 400 ka seedlings sang lumad nga kahoy ang Department of Environment and Natural Resources ukon DENR-Provincial Environment and Natural Resources Office sang Sultan Kudarat, upod ang Department of Trade and Industry ukon DTI XII kag iban pa nga partner agencies, sa Barangay Baras, Tacurong City, sang Oktubre 14, 2026.
Yara sa 200 ka partisipante ang nag-upod sa tree-growing activity sa OB-Malana Farm Baras Bird Sanctuary, lakip ang mga representante sang DENR, DTI, BJMP, DOLE, PSA, Provincial Health Office, City Government of Tacurong, Sultan Kudarat State University kag pribado nga sektor.
Lakip sa mga kahoy nga ginpananom ang Kamagong, Talisay Gubat kag Narra.
Antes ang pagpangpananom, nagpatigayon man ang PENRO sang information, education and communication campaign nga ginpangunahan ni For. Norhannah R. Lumabao, agud mapataas ang kaalam sang mga partisipante parte sa global warming kag benepisyo sang pagpangpananom sang kahoy.
Kabahin ang aktibidad sang selebrasyon sang Consumer Welfare Month kag padayon nga kampanya para sa pagpanalipod sang palibot kag malungtaron nga pag-uswag sang komunidad.
