Malampuson nga ginsaulog sa Isulan, Sultan Kudarat, ang Cooperative Month Celebration 2026 sang Oktubre 15, 2026 nga naghatag importansya sa papel sang mga kooperatiba sa pagpauswag sang pangabuhian kag lokal nga ekonomiya.
Sa pagpanguna ni Mayor Bai Rihan Sakaluran, ginpahayag sang lokal nga gobyerno ang padayon nga suporta sa sektor sang kooperatiba bilang bulig sa pagpauswag sang komunidad.
Kabahin man sang aktibidad ang feeding program kag pagturn-over sang donasyon sa Antonio-Claridad Lozada National High School sa Barangay Impao.
Pinaagi sa mga nasambit nga inisyatibo, napakita ang matuod nga diwa sang kooperatismo, ang pagbinuligay, paghiusa, kag pag-atipanay para sa kaayuhan kag kauswagan sang komunidad.
Photo courtesy: Municipality of Isulan- Bagong Isulan
