Gipalugway sa Philippine Airlines (PAL) ang pagsuspenso sa ilang mga biyahe paingon ug gikan sa Riyadh, Saudi Arabia hangtod sa Nobyembre 29, 2026, tungod sa nag-usab-usab nga sitwasyon sa seguridad sa King Khalid International Airport. Naglangkob kini sa flight PR654 (Manila paingon sa Riyadh) ug flight PR655 (Riyadh paingon sa Manila).
Gihimo ang maong desisyon human sa mga pag-atake sa nahisgutang tugpahanan diin aduna’y mga nasamdan, lakip na ang upat ka mga Pilipino nga gipailalom sa pag-atiman sa mga ospital sa Riyadh sumala sa Department of Migrant Workers (DMW). Gipahayag sa PAL nga padayon nilang gisusi ang kahimtang sa airport aron masiguro ang kaluwasan sa mga pasahero ug tripulante, nga maoy ilang nag-unang konsiderasyon.
Giawhag sa PAL ang tanang apektadong pasahero nga makipag-alayon ug mokontak sa ilang opisyal nga mga kanal, ug susihon ang ilang mga email para sa pinakabag-ong pahibalo ug mga kapilian sa rebooking o refund. Padayon usab ang airline sa pagmonitor sa sitwasyon aron magpagawas og dugang detalye kon aduna ma’y mga pagbag-o sa iskedyul sa biyahe.
Photo courtesy: bworldonline
