Patay ang usa ka 28-anyos nga lalaki human gidunggab sa iyang kainom sa Purok 1, Barangay Kibangay, Lantapan, Bukidnon niadtong gabii sa Oktubre 11, 2026.
Base sa imbestigasyon sa mga awtoridad, nagsumikad ang trahedya sa mainitong paglantugi sa duha samtang parehong nag-inom. Sumala sa mga saksi, nagpaabot lang ang suspek nga makatulog ang biktima dayong giatake ug gidunggab sa nagkadaiyang bahin sa lawas.
Wala na matabang ang biktima nga nakatagamtam og grabeng samad sa tiyan ug sa wala nga bahin sa iyang lawas, samtang pormal nga gideklara nga patay sa Municipal Health Officer.
Paspas sab nasikop sa kapolisan ang suspek pagkahapon sa Oktubre 12 human nadawat ang taho bahin sa maong madugong insidente. Kasamtangang gitanggong na ang suspek sa Lantapan Municipal Police Station samtang giandam ang pormal nga kasong ipasaka batok kaniya.
Photo courtesy: Talakag MPS
