Arestado ang unom ka indibidwal sulod sa upat nga nagkalain-laing operasyon batok illegal nga droga sa Cotabato, og upat kanila ang gipasakaan ug kaso sa nilabay’ng 24 oras gikan Oktubre 12 hangtod 13 ning tuiga.
Mikabat sa 47.864 gramos ang nakumpiskang shabu, nga adunay gibanabanang kantidad nga ₱325,475.20.
Kabahin kini sa padayong kampanya sa kapulisan batok sa pagbaligya ug paggamit sa ilegal nga droga sa probinsya sa Cotabato. Pinaagi sa mga operasyon, tumong sa CPPO nga mapugngan ang sirkulasyon sa ilegal nga droga ug mapanagot ang mga nalambigit niini.
Photo courtesy: PNP Cotabato Police Provincial Office
