Gibutyag sa komedyante ug host nga si Vice Ganda nga apil sa mga aktor nga nakadugang sa iyang pagkabakla kaniadto ang aktor nga si Zoren Legaspi. Nahisgutan kini sa dihang miapil si Zoren uban sa iyang pamilya sa bag-ong episode sa Ganda Gabi Vice.
Sa maong programa, gipaambit ni Zoren nga kaniadto, gipangutana niya ang iyang anak nga si Mavy Legaspi kon straight ba kini o dili. Matud ni Zoren, gusto lang niyang mahibaloan daan aron maandam niya ang iyang kaugalingon sa bisan unsang mahimong tubag sa iyang anak. Diin niya pa kining gikomedyahan nga kon bakla si Mavy, paeskwelahon niya kini aron mahimong mananahi.
Apan dali kining gitubag ni Vice Ganda ug gipangutana kon nganong mananahi dayon ang hunahunaon kung bakla ang usa ka tawo. Matud sa komedyante, dili angay nga konek dayon ang pagkabakla sa usa ka trabaho.
Gibinuangan ni Vice si Zoren nga usa kini sa mga aktor nga nakapadugang sa iyang pagkabakla kaniadto, uban sa aktor nga si Leandro Baldemor.
Photo courtesy:Tiktok
