Usa pa ka anak ang gipangandoy sa aktres ug TV host nga si Anne Curtis alang sa ilang pamilya sa iyang bana nga si Erwan Heussaff. Gibutyag kini ni Anne sa segment nga “Miss Q&A” sa noontime show nga It’s Showtime, diin gipangutana sila ni Vice Ganda kon unsa pa ang ilang gustong makab-ot sa kinabuhi.
Matod ni Anne, importante alang kaniya ang pagpaningkamot aron masiguro ang maayong kaugmaon sa ilang anak nga si Dahlia. Apan dugang sa pag-andam alang sa kaugmaon sa pamilya, naglaom usab siya nga panalanginan pa sila sa Ginoo og usa ka anak. “Nagdamgo pa ko nga makabaton og usa pa ka anak. Unta, unta ihatag sa Ginoo,” matod sa aktres.
Gipaambit usab ni Anne ang iyang panglantaw nga dako ang kausaban sa kinabuhi sa usa ka babaye sa dihang mahimong inahan na kini.
Photo courtesy: Erwan Heussaff/ Facebook
