Nakapukaw sa atensyon sa mga netizens ang bag-ong hitsura ni Yohan Agoncillo, ang panganay nga anak sa mag-asawang artist nga sila Judy Ann Santos ug Ryan Agoncillo, human makita ang iyang bag-ong estilo sa buhok.
Gikan sa taas nga buhok, mibalik kini sa mas mubo nga estilo nga semi-kalbo o buzz-cut-inspired hairstyle, nga namatikdan sa mga litrato nga gipaambit ni Ryan sa iyang social media account atol sa ilang bakasyon sa Spain niadtong miaging bulan.
Ang maong mga hulagway kabahin sa mga litrato sa ilang pamilya samtang nagbakasyon sa nasangpit nga nasud. Tungod sa dakong kausaban sa buhok ni Yohan, daghang netizens ang nakamatikod sa iyang bag-ong hitsura.
